“ ELING I “
1. Mijil saking swargane ibu
nrenyuhake umpamakno 2. Maskumambang
Margane aji, 3. Kinanti bopo biyung
Tumekeng 4. Sinom kang kebak angen-angen
Jroning 5. Dandanggula sarwi manis
Lelumban madune 6. Asmaradana
Lelakone kebak pitakon, nyandang 7. Durma
Tan mampu nggennyo ngoncati 8. Gambuh
Sasmito bangun nyawang 9. Pangkur
Caket kidung 10. Megatruh nyumanding
Tan suwala rinangkul 11 Pocung
Tan suwalo ketangsang 12. Wirangrong
\
“ ELING II “
Kadi dene jroning jaman edan
Ewuh oyo ing pambudi
Lakune tan nimbang saru siku
Dawane umur, tan …………
Ngukir kayu becik
Dawane crita, mijil tekan wirangrong
Mung nlayon jroning ireng peteng
Manungso dede kewan
Kang uripe ngetut angen-angen
Ngetutke lakune dina, rina lawan wengi
Begjone kang lali
Luwih begjo kang eling lan waspada
“ ORA MUNG MAMPIR NGOMBE “
Sepiro suwening laku
Soko guwo garba tekan lemekan gelu…?
Sepiro suwening panah
Saka gendewa tekan nylorot tiba…?
Ndah ebha musprane
Yen tanpa lesan kang tinuju
Sepiro cacahing darma
Soko Ha temeko ing Nga …?
Apa di labur laku kang kudu…?
Apa rinengga gurit peni …?
Pinangka sangu
Supoyo ora ketangsang
Ing kayu watu
Tinitah nyawang srengenge
Mesthine,
Ora mung mampir ngombe
JOKO LODONG
23 Juli 1988
Langganan:
Posting Komentar (Atom)
Tidak ada komentar:
Posting Komentar